DAVÍÐSGJÁ

Davíðsgjá er í norðaustanverðu Þingvallavatni. Gjáin er úti í vatninu sjálfu, og erfitt er að finna hana ef menn eru ekki kunnugir staðháttum. Gjáin er frekar grunn næst landi, en ef menn synda út með henni töluverða leið út í vatn, þá er hún hreint út sagt STÓRKOSTLEG! Brúnin á gjánni er þar á um 10 metra dýpi, en botnin á um 30 metrum, og gjáin ekki breiðari en 1 til 2 metra.

Þarna er hægt að kafa undir steina sem hafa fests í gjánni. Gott er að hafa Scooter þegar kafað er í gjánni. Þar sem gjáin er næst landi er mjög gaman að kafa og hentar sá staður vel byrjendum, skyggnið þar er frábært þegar maður er komin niður fyrir kuldaskilin og þar er gjáin mjög breið og falleg. Á sólríkum dögum myndast afar fallegur blámi sem er hvergi sjáanlegur á þurru landi.

NIKULÁSARGJÁ (PENINGAGJÁ)

Nikulásargjá er mjög fallegur köfunarstaður en hægt er að synda inn með gjánni og er mesta dýpi þar um 20 metrar. Á smá spotta er mjög mikill straumur í gjánni þar sem maður þarf að synda yfir smá grynningar og mjög gaman að finna afl vatnsins þó svo að maður haldi að um lygna gjá sé að ræða.

Þegar maður syndir inn gjánna að þá eru háir klettaveggir á báða vegu og er landslagið þar mjög tignarlegt.

KÁRASTAÐIR

Kárastaðir er einnig áhugaverður staður að kafa á, en um er að ræða tvær gjár þar sem ligga alveg við landið svo stutt er að synda út í þær. Skyggnið þarna er líkara því sem gerist í sjónum og er fljótt að tapast ef margir eru að kafa þarna í einu. Gaman er að kafa aðra gjánna út og hina til baka. Einnig er stór og flottur klettavegur þarna sem hægt er að klifra í. Hægt er að sjá mynd af Kárastaðagjánum á kofun.is.

Einnig er gamall álbátur þarna á botninum og gaman er að leika sér með lyftipoka og ná honum upp og færa hann úr stað.

STRÝTAN

Hverastrýturnar eru í Eyjafirði um 1800 metra undan Víkurskarði. Staðsetningin er 65°49.73 N og 18°06.69 V. Úr strýtunni streymir heitt, ferskt og steinefnaríkt vatn. Steinefnin falla út þegar þau blandast köldum sjónum í kring. Í tímanna rás hafa strýturnar því byggst upp og stækkað. Fyrstu strýturnar fundust fyrst við Galapagoseyjar árið 1977 og hafa nokkrar fundist síðan. En það sem gerir íslensku strýturnar einstakar á heimsvísu eru að þær eru á grunnsævi og ekki nóg með það, heldur eru þær einnig í köfunarfæri. Þetta gerir það að verkum að auðvelt er að rannsaka þær, og þarf því ekki að kasta til miklum fjármunum í langa leiðangra. Því er haldið fram meðal sportkafara að þetta sé heimsins stærsti neðansjávarhver sem kafarar geti heimsótt og eitt af fimm merkilegustu köfunarsvæðum heimsins. Þetta gerir köfun í Strýtuna að einstakri upplifun.

Til að kafa í Strýtuna er nauðsynlegt að vera ADVANCED OPEN WATER kafari þar sem dýpið getur orðið allt að 75 metrar, jafnhátt Hallgrímskirkju. Ekki þarf sérstakt leyfi til að kafa að Strýtunni. Einnig er búið að finna nokkur önnur strýtusvæði í Eyjafirðinum á grynnra dýpi. Þórarinn, leiðsögumaður við skólann þekkir svæðin mjög vel.

SKÚTAN

ATH! FÁ ÞARF SÉRTAKT LEYFI HAFNARYFIRVALDA Á AKUREYRI TIL AÐ FÁÐ KAFA Í SKÚTUNA.

Skútan liggur um 70-100 metra fyrir utan Eimskipabryggjuna á Akureyri. Lítil bauja er sjáanleg þegar staðið er á bryggjunni og ef synt er að þessari bauju þá liggur spotti frá henni niður að flaki skútunnar. Spottinn endar við miðja skútuna. Skyggni getur verið ágætt eftir að verður hefur verið gott í einhverja daga. Skyggnið getur hinsvegar orðið lítið sem ekkert ef vindur eykst og öldurót en einnig vegna leysinga og sanddæluskipa. Skútan er ein af skemmtilegri köfunarstöðum við landið og vel þess virði að heimsækja ef reynsla og réttindi eru í samræmi við kröfur staðarins. Botndýpi er um 27 metrar og er því um djúpköfun að ræða.

Til að kafa þarna þarf Advanced Open Water – Auðvelt er fyrir vana kafara að fara inn í flakið en mikilvægt er að fara varlega eins og ávallt þegar ekki er möguleiki á beinni ferð upp. Innviði skútunnar eru engin enda var hún bara notuð til flutninga og því engar vistaverur um borð.

EL GRILLO

El Grillo er flak sem staðsett er á Seyðisfirði. Flakið er með flottustu köfunum á Íslandi, þó ekki væri nema eingöngu vegna stærðar skipsins.

Skipið liggur nokkuð djúpt, en það eru 27 metrar niður á skipið, vélarþilfarið er á um 30 metrum og botninn er á 40-45 metrum. Skipinu var sökkt eftir að það hafði lent í árás Þjóðverja, en það náðist þó að sigla inn Seyðisfjörðinn þar sem tekin var ákvörðun um að sökkva skipinu.

Þessi köfun er eingöngu á færi þeirra sem hafa kafað mikið og eru með ADVANCED réttindi eða meira.

Nauðsynlegt er að fara með einhverjum sem er kunngur flakinu ef kafa á í skipið.

Gardurinn

Bryggjuendinn í Garðinum er magnaður köfunarstaður, þarna hafa margir upplifað sínar bestu kafanir. Þarna hafa kafarar upplifað það að sjá háhyrninga, leikið sér við hnýðinga, veitt skötusel og steinbít og lent í heilu ufsa og þorskatorfunum. Dýpið er um 17 metrar. Þarna getur oft orðið þó nokkur straumur og ber að varast fyrir ávana að hoppa þá úti.

Þetta er óhemjuvinsæll köfunarstaður sem sjaldan klikkar og er hiklaust hægt að mæla með honum.

Ottarstadir

Óttastaðir eru mjög fallegur köfunarstaður og á yfirborðinu stendur gamall rauður beitningarskúr og leifar af gömlu skipi sem eru rústir einar í dag.

Þarna var útgerð í gamla daga og rennan sem notuð var til að draga upp bátana skapar kjörinn göngustíg fyrir kafara. Undir yfirborðinu allt niður á 2ja-3ja metra dýpi er mistur sem myndast þegar ferskt grunnvatn sem rennur úr hrauninu blandast sjónum.

Þarna er fallegur skeljasandsbotn sem lýsir upp staðinn og skapar góð birtuskilyrði. Ekki er óalgengt að lenda í góðu skyggni á þessum stað og þegar komið er 50 metra út frá ströndinni tekur við steinbotn með stórum þarastönglum sem minna á tré í skógi. Milli þessara þarastöngla er svo að finna ógrynni dýralífs, marhnúta, kola, krabba og flestar af þeim lífverum sem kafarar þekkja svo vel.

Besta dæmið um hversu góður köfunarstaður þetta er var þegar nokkrir kafarar mættu háhyrningskálf á þessu svæði. Kálfurinn var hinn forvitnasti en lét þó kafarana alveg óáreitta og var þessi lífsreynsla með þeim magnaðri sem um hefur heyrst frá köfurum á Íslandi.

Þetta er án efa einhver sá alskemmtilegasti köfunarstaður í nágrenni Reykjavíkur hvort sem menn eru vanir eða eru að stíga sín fyrstu skref í sportinu.

HVASSAHRAUN

Skemmtilegt landslag með mikið af þara og skel. Inn á milli eru mjög þéttir og skemmtilegir þaraskógar, svo er líka skeljasandur þarna út um allt sem að lýsir staðinn upp. Það er líklega best að fara útí í gömlu bátarennunni, þar er þægilegt að fóta sig. Skemmtilega næturkafanir fyrir þjálfaða kafara. Kíkið á þennan stað, sjón er sögu ríkari. Þetta er ekki djúpur staður eða 12-14 metrar.

Tilvalinn staður til æfinga. Næturkafanir fyrir Advanced Open Water kafara.

GULLKISTUVÍK

Gullkistuvík mjög fallegur köfunarstaður upp á Kjalarnesi, til að komast að víkinni þarf að spyrja um leyfi landeigandi til að fá leyfi til að aka um landið hans en landið getur oft farið illa eftir miklar rigningar ef keyrt er á því. Víkin er full af lífi, þarna er mjög mikill gróður og er sérstaklega gaman að kafa í víkinni á nóttunni en þá breytist víkin í allt annan köfunarstað. Dýpið er með mest um 17 metrar og er þetta því köfun á allra færi.

KLEIFARVATN

Kleifarvatn er með dýpri vötnum landins, vatnið var mikið notað til köfunarkennslu hér áður fyrr, en það hefur minnkað undanfarin ár. Botninn samanstendur af drullu og sandbotni og er í raun ágætis staður fyrir byrjendur að kafa. ATH að enn sem komið er ekki gsm samband við Kleifarvatn.

Ýmislegt fróðlegt hefur fundist í vatninu s.s. hlerunartæki sem talin eru hafa verið frá rússneska sendiráðinu. Einnig hafa þjófar landins oftsinnir losað sig við þýfi í vatnið.

SIGURJÓN

Sigurjón er gamalt skip sem var var gefið Slysavarnafélaginu og Landhelgisgæslunni sérstaklega til að sökkva því undir æfingar. Sigurjón liggur uppréttur á 25 metra dýpi, á góðum degi er þetta flottur köfunarstaður og gaman að kafa þarna, en því miður er það svo að skyggni er ekki alltaf með besti móti á þessum stað. Sigurjón er aðeins aðgengilegur með bát.

SKFÍ hefur mikið farið í ferðir í Sigurjón með björgunarsveitunum. Kafarar sem hugsa sér að kafa í Sigurjón verða að vera með ADVANCED réttindi.

HVÍTANES

Hvítanes er gömul aðstaða frá styrjaldarárunum fyrir kafbáta. Dýpið er allt að 15 metrum. Botninn þarna er eintómur leir og er fljótur að gruggast. Leirinn gerir það þó að verkum að menn hafa verið að finna hverskyns muni frá stríðsárunum, bæði gosflöskur skothylki og hverskyna annað dót. Fyrir þá sem hafa gaman af sögunni geta rótað þarna í leirnum svo lengi sem loft leyfir og hugsanlega koma upp með einhverjar skemmtilegar söguminjar.

Best er að kafa þarna á veturna í stillu þegar lítið hefur verið um leysingar.